Este proxecto comezou no seo da Anpa Fornobedo no Ceip Castrillón de Coiro coma actividade de gaita e percusión no curso 88-89, seguindo despois como Escola de gaitas e actividade extraescolar do centro e máis tarde, no curso 90/91, convertiuse en Banda de Gaitas baixo a dirección de Xaquín Camaño facendo a súa presentación como tal en maio do 91 dentro das II Xornadas Culturais ” Muiño de Fausto” e sendo apadriñada polo mestre D. Antón Corral, director fundador da Banda de Gaitas Xarabal da Universidade Popular de Vigo.
A día de hoxe séguese colaborando có CEIP Castrillón impartindo a actividade de Gaita e percusión por Sara Malvido que imparte tamén na escola tromentelo xunto a canto tradicional.
O longo destes anos a Escola foi ampliando a súas clases engadindo tamén escola de adultos; tamboril impartida por Luis Malvido e Baile por Raquel Rodríguez e máis recentemente acordeón por Iago Camaño.
Dende entón, a Banda de Gaitas Tromentelo continúa ascendente, contando na actualidade cunha formación de 22 compoñentes, entre gaitas e percusión compartindo escenario diferentes xeracións.
O seu repertorio musical está baseado nas raíces tradicionais contando con pezas de prestixiosos compositores galegos e arranxos orixinais da propia Banda.
Tromentelo sempre foi unha Banda de concerto que o longo de todos estes anos foi ampliando instrumentación e vestimenta e xunto co movemento dos propios compoñentes no escenario tocando diferentes solos con instrumentos como acordeón, saxo ou zanfona e variada percusión tradicional galega así como o baile dalgunhas das pezas fan cá banda teña a sua propia seña de identidade.
Nun intento de amosar o traballo da Banda e achegar o noso pobo grupos de outras zonas, creáse en 1997 o “Festival Folclórico Tromentelo”. O longo destes anos este festival consolidouse coma referente de calidade, diversidade e espectáculo, alternando grupos de fóra de Galicia con grupos da terra de indiscutible traxectoria e representatividade da nosa tradición musical.
O longo de todos estes anos, esta agrupación non deixou de medrar, tendo novas necesidades de diversificar e ampliar o seu campo de actuación para dar cobertura a distintos ámbitos do nosa música tradicional ademáis de participar e colaborar con outras asociacións e dar un pulo a nosa Escola de Música Tradicional.
Todo isto levounos á determinación de constituir a Asociación.Cultural Folclórica Tromentelo, que naceu 28 de decembro do 2010.
Dende o 2002 a agrupación está dirixida por Sara Malvido membro fundador da mesma e que cursou os seus estudos de canto e percusión na Aula de música tradicional da Universidade Popular de Vigo e de requinta e zanfona na ETRAD.
Ademáis de participar en festas o longo de todo o ano, fanse diversas actividades encamiñadas a fomentar e dinamizar a nosa cultura en distintos ambitos:
- A organización do entroido na nosa parroquia, xunto con outros colectivos..
- A Festa da Pombiña no 1º fin de semana de maio; para os nenos, enmarcada dentro das Xornadas culturais do Muíño de Fausto.
- Na 2ª semán de maio; “Serán Muíño de Fausto” , dende o ano 2002.
- Festival Folclórico Tromentelo.
- Magosto.popular
- Concerto de Santa Icia.
- Actuación nos Premios “Cacarexo”
- Cursos, charlas, monográficos,…
Ademáis organizouse unha Exposición no ano 2006 con motivo do XV Aniversario como Banda de Gaitas que fixo un percorrido por os nosos instrumentos tradicionais e as diferentes vestimentas tradicionais que existen na nosa terra.
No ano 2011 organízouse unha Exposición sobre os “Oficios e Labores” Música e Baile coincidindo có XX Aniversario como Banda de Gaitas e que nos amosa a relación entre os traballos cotidiáns e a música tradicional. Contou coa actuación dos pandereteiros e pandereteiras da A.C. O Fiadeiro.
No ano 2016 organízouse unha Gala musical no Auditorio para celebrar o XXV Aniversario da agrupación e na que tivemos a honra de contar coa colaboración de Rodrígo Romaní, Anxo Pintos, Begoña Riobó, Xosé Liz,Antón Varela e Anxo Lorenzo, todos eles de recoñecido prestixio dentro da música tradicional tanto a nivel nacional como internacional. Así como con antigos compoñentes da agrupación e a Coral Areas Gordas de Coiro.
A finais do ano 2017 saiu á venda o DVD conmemorativo da Gala do XXV Aniversario.
Recibe o Premio Cacarexo no ano 2017 pola labor de difusión e conservación das nosas tradicións.
Recibe o Premio Xohan de Cangas no ano 2022 polo seu labor cultural.
Tromentelo conta cunha extensa traxectoria musical, cabe destacar actuacións en Santiago, Porto ou Salamanca, con motivo das suas respectivas capitalidades culturais nos anos 2.000, 2.001 e 2.002, respectivamente.
Intercambios culturais con diversas zonas da xeografía, Huesca no ano 97 e 07, Albacete, O Bierzo, Málaga, Castellón, Asturias, Zaragoza, Murcia, León ou Torrelavega.
Diversas actuacións no veciño Portugal, en poboacións como Aveiro, Amarante, Barcelos, Penafiel, Sobrado,…
Actuacións nos Festivais Intercélticos de Avilés e do Morrazo, este último en distintos anos.
A participación en programas de televisión como “Galicia para o Mundo”, “Galicia enteira”, “Vaia Troula”, “Grandes Lugares”, “Aquí Galicia” e Ribeiras de Salitre.
Outra actuación a destacar, é a participación da Banda de Gaitas todos os anos na Semana Santa do Concello de Cangas, declarada de Interese Turístico Galego.
A nosa música estivo presente no mundo literario participando nas homenaxes de Manuel María no 2005; Bernardino Graña no 2007, Xosé Manuel Vazquez Pintor no 2010 e do gaiteiro Anxo Gago (Lito) no 2018.
Outras actuacións importantes para Tromentelo son as realizadas en colaboración con diferentes entidades de carácter social actuando en distintas Galas Benéficas que se celebran o longo do ano, tales como Aspamsim, Adicam, Síndrome de Angelman, Aecc …