Tromentelo é outra historia

Somos un colectivo que nos adicamos a conservar e potenciar a cultura galega empregando para elo principalmente a música e a tradición. Seguimos en marcha logo de 25 anos grazas á ilusión e ás ganas de seguir escribindo a historia, é dicir, conservando, recuperando e transmitindo este ben tan prezado ás vindeiras xeracións pero sempre sen esquecer o noso motor: os milleiros de experiencias que cada día compartimos entre nós, ¿súmaste?

XXI Festival Tromentelo

Quedades todos convidados a desfrutar da música folk e do baile tradicional o sábado 25 de agosto partir das 22h. nos Xardíns de Andrea, para o XXI Festival Tromentelo, que se celebra no marco das Festas do Cristo do Concello de Cangas do Morrazo.

Este ano nos acompañará no esceario a Asociación Cultural os Muíños de Oliveira, de Ponteareas, e Pepe Vaamonde Grupo.

A A.C. Os Muíños de Oliveira ven a presentar o seu último espectáculo no que poderemos desfrutar dos seus grupos de baile, música e pandereteiros.

Pepe Vaamonde Grupo achégase ao festival para presentar o seu último traballo discográfico “Nas pedras do lar”. Cuarto traballo da banda na que a creatividade e a esencia da música tradicional galega se fusionan para ofrecer un espectáculo orixinal e contundente.

XVI Serán do Muíño de Fausto

Toda festa non acaba sen unha boa Foliada!

 

Como é tradicional, o sábado seguinte as Xornadas Culturais da Festa do Muiño, a A.C.F. Tromentelo aproveita o entorno do Muíño de Fausto para celebrar o seu Serán. Este evento é unha boa ocasión para disfrutar tanto da natureza como de boa música.

Facilítase un palco e unha  megafonía onde calquera que o desexe, ben sexa só ou en grupo, poderá deleitar coas súas pezas os bailaríns que a se achegan. Entre pase e pase de cada grupo farase o Concurso de “desbullada” con categoría infantil e adultos para demostrar quen roe os “carosos” máis rápido.

E como toda boa festa non ha faltar nin comida nin bebida, haberá un posto que venderá Empanada, Ovos con Pan de Millo, Chourizos ou Filloas. A partir das 24h. e para recuperar forzas na metade do Serán repartiranse papas de fariña de xeito gratuito.

XXIX Festa do Muíño

Para a Banda de Gaitas Tromentelo o mes de maio está sinalado en letras vermellas no seu almanaque. É no ecuador da primavera cando florece todo o traballo realizado pola Banda durante os meses invernais, na festa que nos viu nacer como agrupación. Como sempre hai novidades nesta data tan especial, este ano non ha de ser para menos.

A primeira fin de semana do mes de maio, entre o día 5 e 6, o Muíño de Fausto será o centro da actividade cultural na parroquia de Coiro. Este ano as Xornadas Culturais do Muíño celebran a súa XXIX Edición.

A primeira actividade destas xornadas como todos os anos é o venres no centro cultural de coiro que falará da cultura do millo na nosa comarca.

O primeiro día de festa iniciase no pavillón do CEIP Castrillón ca “Festa da Palomita”, organizada pola ACF Tromentelo. Este mesmo día a tarde comeza o bule bule na entorna do Muíño co festival infantil no que a escola da banda compartirá cartel cos grupos infantís de: Lembranzas da Ría, Peis d´Hos e Pais de San Roque. Logo dun descanso para recuperar folgos, comezará a Noite Folk  amenizada polos grupos Tres por Catro Folc e Fiandola.

Xa o domingo, no evento central da festa a Banda de Gaitas Tromentelo fara a súa actuación, O cumio chegará ó final da primeira parte da actuación ca lectura do pregón, este ano a cargo da actriz Silda García Alfaro, e ca posterior entoación do himno galego, logo a Banda proseguirá ca segunda parte da súa actuación. Pola tarde, como fin de festa actuarán As Cantigas de Elena e o grupo folc Zanfoñas Os Chavellos.

Entroido 2018

O vindeiro sábado 10 de febreiro os colectivos de Coiro organizan o Entroido na parroquia.

A tradicional Procesión do Loureiro sairá ás 17:00 horas do cruce da retirosa facendo o seguinte percorrido:
Retirosa – Castrillón – Boubeta – Miranda – Cruceiro – Devesa – Rosada – Retirosa
Para rematar a festa no colexio vello da Retirosa onde haberá un concurso de disfraces para nenos e adultos, premiando a orixinalidade dos mesmos.

Como é habitual neste tipo de evento a comida, música e baile non han de faltar. Así que xa sabedes, non faltedes a esta cita!!

Tromentelo, Premio Cacarexo 2017

En Tromentelo estamos de noraboa. A A. C. Cacarexo decidiu galardonarnos co seu Premio 2017 pola nosa labor e traxectoria.

Para nós é unha gran honra que esta asociación nos distinga. Durante moitos anos a Banda estivo dentro da propia asociación ata que decidimos constituirnos como Asociación Cultural Folclórica.

Dende aquí convidarvos ó acto que se celebrará ás 20h do Sábado 23 no Centro Cultural de Coiro.

Dende Tromentelo damos grazas a Cacarexo por lembrarse de nós, nesta e en tantas outras ocasións.

Santa Cecilia 2017

Banda de Gaitas Tromentelo quere celebrar con todo o seu pobo o día da patrona dos músicos, Santa Cecilia.

Por iso ofercerá un concerto e un pasarrúas pola vila a partir das 12 da mañá do sábado 25 de novembro.

O percorrido saíra dende o Concello de Cangas e continuará polos Xardíns de Andrea, Eirado do Sinal, Praza da Constitución, Praza do Arco e Alameda Vella.

Anímate a acompañarnos!

XX Festival Tromentelo

Quedades todos invitados este sábado a partir das 22h. nos Xardíns de Andrea, para o XX Festival Tromentelo, que se celebra no marco das Festas do Cristo do Concello de Cangas do Morrazo.

Este ano nos acompañará no esceario a Agrupación De Danzas Virgen De Las Nieves de Tanos de Cantabria. Unha agrupación que nos deleitará cos seus bailes e cantigas tradicionais.

Escola curso 2017-2018

 

Dende a A.C.F. Tromentelo queremos facerche unha pregunta:

Queres ser gaiteiro, acordeonista ou percusionista? Se a resposta é afirmativa, contacta con nós e forma parte da nosa escola para o curso que ven! No caso de que iso de tocar un instrumento non vaia contigo e prefiras darlle o baile tamén podes contar con nós para formarte.

Na escola da A.C.F. Tromentelo contarás con mestres con experiencia impartinto clases e cunha formación axeitada as túas necesidades. Quedamos a túa disposición para calqueira pregunta no noso correo e redes sociais.

Os horarios están a túa disposición no apartado escola: Horarios Escola

Xa sabes, nunca é tarde pra aprender a bailar ou a tocar un instrumento!

Intercambio cultural en Torrelavega

Os días 18, 19 e 20 de agosto a Banda de Gaitas Tromentelo terá o pracer de viaxar a terras cántabras para participar nas Fiestas de la Virgen Grande en Torrelavega. A nos actuación terá lugar o domingo as 18:00 horas na que participaremos na Gala Floral de Torrelavega.

Esta Gala Floral celébrase tódolos anos o domingo seguinte ó 15 de agosto. Esta Gala tamén é coñecida como Batalla de Flores, nela distintas carrozas desfilan polas rúas da cidade ó son de distintos grupos folclóricos. É un evento caracterizado polo colorido tanto do confeti como das serpentinas que culminan as festas na honra da Virgen Grande.

Este desprazamento xorde do intercambio cultural que celebramos ca Agrupación De Danzas Virgen De Las Nieves de Tanos. Agrupación que recrea bailes rexionais cántabros lucindo os seus traxes rexionais típicos. No noso XX festival que se celebrará o 26 de Agosto teremos o pracer de contar ca súa presencia.

 

 

XV Serán do Muíño de Fausto

A do Muíño como toda festa sempre acaba pero,  a festa non remata, sen unha última muiñada!

O videiro sábado 20 de maio a partir das 20h. haberá unha nova edición do serán que organiza todos os anos a ACF Tromentelo. Coma sempre haberá música en vivo, concurso de debullada con premios para os máis rápidos e a partires das 24h. papas de fariña milla.

 

Non faltedes que pasamos lista!